ياحسن في خاطري همن وضيق
حيرتن بي ماعرفت اسبابها
مثل تايه درب مادل الطريق
في صحاريها وبين شعابها
او مثل سباح ماسك له غريق
والتماسيح اقبلت بنيابها
ياحسن لو شبت الدنيا حريق
والتهم غاباتها واعشابها
مايساوي واهجن يبرق بريق
في حشاي النار ياشبابها
لي حبيبن ناشفن مابل ريق
لو طلبته شربتن ماجابها
كنت اقول انه على حالي شفيق
والحبايب تحتفظ بانسابها
ياصديق الصدق يالاصل العريق
صاحبي خلى الشيم ووآدابها
عشت انا وياه في نفس الفريق
وانكر ايام الهوا واعجابها
قلت له ياناعم العود الرشيق
الحبايب ماتبيع احبابها
والليالي تكشف الامر الحقيق
ترجع الكذبه على كذابها
قال بطلت الهوا خبرك عتيق
السوالف تيه صكر بابها
خل قلبك من هواجيسه يفيق
افطر بكذبه ولا اتغدابها
شقردي والقلب وردي
الجمعة يناير 15, 2010 7:26 pm
