اسمحولي بهالموقف المضحك المخجل في نفس الوقت حصلي عندما كنت أعوم في بحور العلم في مدرسة جبر وبني هلال عساها بقنبله . .
في يوم من الايام وأنا أدرس في الصف الرابع الابتدائي كان عندي إختبار لمادة العلوم وفي اليوم اللي قبله بعدما صلينا العصر ورجعنا البيت ودخل جدي الله يطول بعمره معنا يتقهوى ويتجاذب أطراف الحديث مع أبي المهم قال أبي فديت رجوله روح جب كتابك وتعال أذاكرلك والله جبت الكتاب ويعطيني السؤال الأول وأنا رشوحي قطاطيرها وأضيع الايجابات من ذلي من أبي وبيني وبينكم الله اعطاني بجدي يهدي أبي وإلا بيهبدني هبد الويل بيخرج قلبي عود يوم شاف إن ماشي رجاء قال انقلع الغرفه ذاكر عن أمك تسمعلك بعد صلاة العشاء ومالكم بالطويله، سرحت اليوم الثاني المدرسه بعد ماسمعتلي أمي الله يسعدها وأنا واثق بجيب الفل مارك يعني بجيبه الله لا يعوق بشر ، وحضر المدرس الله يمسيه بالخير مع أني كنت أكرهه كرهاً جما ووزع الاسئله وبدينا نجاوب وحط السؤال الاخير كمساعده وعليه درجتين من مجموع الدرجات والسؤال الاخير كان :
هل البقره تبيض أم تلد ؟
السؤال تافه بالنسبه لكم بس بالنسبه لي كان وصمة عار في مشوار مسيرتي التعليميه وحتى الأكاديميه وسلمنا اوراق الإيجابه وأنتظر الحصه الجايه بفارغ الصبر ودي أقهر الشطار لاني مجاوب على الاسئله تمام والله جت حصة العلوم وجاء الأستاذ مجحود وبدا يوزع الدرجات ويوم قال أسمي وقال الدرجه أنصدمت لانها ناقصه درجتين قولت الله أزاي الكلام ده دنت غلاطان ياأساز وقمت أراجع ورقتي حقت الإيجابه وهنا كانت الصدمه .
توقعوا أين كان الخطأ ؟
بس الله يرضالي عليكم هنا حفرنا وهنا دفنا يعني شماته بعدين ما بدي وأنا شكلين ما بحكي
And you best wishes
اخوكم القلب البارد
الجمعة أكتوبر 30, 2009 4:34 pm
